एक संध्याकाळ
एक संध्याकाळ
| एक संध्याकाळ सप्तसुरांची जुन्या गितांची रंगून जाण्याची | |
| एक संध्याकाळ उदास मनाची जुन्या आठवणींची हरवून जाण्याची | |
| एक संध्याकाळ वाट बघण्याची वेडावून जाण्याची तुझ्या आठवणींची | |
| एक संध्याकाळ क्षितीजा पलीकडची रीत्या मनाची निसटत्या क्षणांची | |
| एक संध्याकाळ समुद्राकाठची उसळत्या लाटांची मोहरुन जाण्याची | |
| एक संध्याकाळ तुझी नी माझी स्वप्ने बघण्याची धुंद होउन जाण्याची | |
| एक संध्याकाळ फक्त माझी मिटल्या ओठांची शांत मनाची अंतर्मुख होण्याची. |
Posted at 12:44 AM | Labels: कविता, संध्याकाळ | 2 Comments
माझी पुस्तके
माझी पुस्तके
1. सुलक्षणा - (कथासंग्रह, 2000)
2. उनसावली - (कथासंग्रह, 2000)
(कलायात्री प्रकाशन, मुंढवा, पुणे, मो. 9421075235)
3. शब्दांकन, कुर्यात सदा मंगलम, लेखक आदेश बोरावके
(विवाह विषयक मार्गदर्शन करणारे पुस्तक)
पुरस्कार
Posted at 8:55 AM | Labels: परीचय, माझी पुस्तके | 0 Comments
मनोगत
मनोगत
उन सावली हा माझा पहिलाच काव्य संग्रह आहे. रोजच्या जीवनात काही प्रसंग मनाला स्पर्श करून जातात, हृदयात घर करून राहतात, छोट्या छोट्या गोष्टींमध्ये ही काव्य दिसू लागते. सुख आणि दुखः दोन्हीवर ही कविता लिहिता येते. माणसाचं आयुष्याचं मुळ उन सावल्यांचा खेळ आहे.
Posted at 8:48 AM | Labels: उन सावली, परीचय | 0 Comments
आई
आई
सायंकाळी
कातरवेळी
चिमणी पाखरे
घराकडे परतती
त्यावेळी मला
तुझी आठवण येते.
अंगणातली गाय
बघून पाडसाला
जेव्हा हंबरते
त्यावेळी मला
तुझी आठवण येते.
सोनुली माझी
लागे रडू
तिला घास भरवते
त्यावेळी मला
तुझी आठवण येते.
येई सांगावा आईचा
सखी शेजारीण
माझी
माहेरी निघते
त्यावेळी मला
तुझी आठवण येते.
घाव बसे मर्मावर
शब्द बोचती
काट्यासम
डोळे आसवे
गाळती
त्यावेळी मला
तुझी आठवण येते.
होई दुःखाचा उद्रेक
बोल जिव्हारी लागते
हवे धीराचे
दोन शब्द
आई तुझी
आठवण येते
तुझी आठवण येते.
Posted at 2:48 AM | Labels: उन सावली, कविता, नाती | 2 Comments
मनाच्या पाखरा
मनाच्या पाखरा
माझ्या मनाच्या पाखरा
उगी बस तू रे जरा
मारू नकोस येरझरा
आठव तू रे परमेश्वरा
माझ्या मनाच्या पाखरा
विचार सोड तू अघोरी
बसुनी एका जागेवारी
वाच तू रे ज्ञानेश्वरी
Posted at 7:46 PM | Labels: उन सावली, कविता, मन | 0 Comments
वेदना
वेदना
वेदना मनाची
वेदना हृदयाची
नसे डोळ्यात पानी
दिसे ओठावरी हसू
नाही कुणा कळायाची
Posted at 1:06 AM | Labels: उन सावली, कविता, मन | 0 Comments
Subscribe to:
Posts (Atom)